पुणे | प्रतिनिधी
पुणे, दि. २६ : आयफोन चोरणाऱ्या एकास पोलिसां कडून अटक करण्यात आली आहे. ही घटना लोणीकंद पोलीस स्टेशनच्या हद्दीत घडली असून सलीम उर्फ असराउल इस्माईल फजल शेख ( वय ३५ वर्षे, रा. मध्य पियारपुर, तहसिल उधवा, ठाणा राधानगर, जिल्हा साहेबगंज, राज्य झारखंड ) असे आरोपीचे नाव आहे.
दि. १७/०७/२०२३ रोजी आरोपीने केसनंद रोडवरील एका गोडावून मधुन ॲपल कंपनीचे एकूण दोनशे सहासष्ट मोबाईल फोन चोरून नेले होते. पोलिसांना तपास करताना आरोपी साहेबगंज येथे असल्याचे समजले. आरोपीला ताब्यात घेऊन लोणीकंद पोलीस स्टेशन येथे आणण्यात आले. आरोपीकडे सखोल चौकशी केली असता त्याने हा गुन्हा चार साथीदारांच्या मदतीने केल्याचे कबूल केले. तसेच गुन्ह्यात चोरी करण्यात आलेला मुद्देमाल पश्चिम बंगाल मधील एका एजंटच्या सहाय्याने विकला असल्याचे देखील त्यांनी सांगितले.
आरोपीवर भादवी कलम ४५४, ४५७,३८० अंतर्गत गुन्ह्याची नोंद करण्यात आली असून आरोपीला ताब्यात घेण्यात आले आहे. आरोपीच्या सोबत असणाऱ्या इतर साथीदारांचा तसेच चोरीचा माल विकत घेणाऱ्या इसमांचा शोध सुरू आहे. सदर गुन्ह्याचा पुढील तपास सहाय्यक पोलीस निरीक्षक जाधव हे करत आहेत.
सदर कामगीरी मा. अपर पालीस आयुक्त श्री रंजन कुमार शर्मा, मा. पोलीस उपायुक्त परि-४ श्री. शशिकांत बोराटे मा. सहा. पोलीस आयुक्त श्री संजय पाटील, वरीष्ठ पोलीस निरीक्षक श्री विश्वजीत काइंगडे लोणीकंद पोलीस स्टेशन यांचे मार्गदर्शनाखाली तपास पथकाचे सपोनि रविंद्र गोडसे, सपोनि गजानन जाधव, पोलीस अंमलदार स्वप्निल जाधव, कैलास साळुंके, अजित फरांदे, अमोल ढोणे, साईनाथ रोकडे यांनी केली आहे.
