पुणे | प्रतिनिधी
पुणे, दि. १३ : कल्याणीनगर परिसरात दोन जणांचे मोबाईल चोरल्याप्रकरणी पुणे शहर पोलिसांनी अज्ञात व्यक्तीविरुद्ध गुन्हा दाखल केला आहे. ही घटना रविवारी रात्री नऊच्या सुमारास घडली. याप्रकरणी पीडितनी पोलिसात तक्रार दाखल केली आहे.
येरवडा पोलीस स्टेशनमध्ये नोंदवलेल्या तक्रारीनुसार, तक्रारकर्त्याना एक अज्ञात व्यक्तीने थांबवलं ज्याने गुप्त पोलीस अधिकारी असल्याची बतावणी केली आणि दावा केला की त्यांनी त्यांच्या मोबाईल फोनमध्ये दोन पुरुषांची छायाचित्रे क्लिक केली आणि त्यांना ते तपासण्याची गरज आहे. विनापरवाना कोणाचे फोटो आणि व्हिडिओ क्लिक केल्याबद्दल त्यांच्यावर कारवाई करण्याची धमकी दिली.
कारवाईला घाबरून, दोघांनी त्यांना त्यांचे फोन तपासण्यासाठी दिले, परंतु घटनेवर प्रतिक्रिया देण्यापूर्वीच आरोपी १७,००० रुपये किमतीचे मोबाईल घेऊन घटनास्थळावरून फरार झाला.
या प्रकरणी पोलिसांनी गुन्हा दाखल करून तपास सुरू केला आहे. पोलिसांनी दिलेल्या माहितीनुसार, तक्रारदार नेपाळचा असून तो शहरात डॉक्टर म्हणून काम करतो, तर दुसरा आयटी इंजिनियर आहे. हे दोघेही कल्यानीनगर परिसरात पेइंग गेस्ट म्हणून राहतात.
