पुणे प्रतिनिधी
पुणे : मैत्रीच्या संबंधातून काढलेली छायाचित्रे व्हायरल करण्याची धमकी देऊन एका माजी नगरसेविकेवर बलात्कार करण्यात आल्याची धक्कादायक घटना पुणे येथे उघडकीस आली आहे.
याप्रकरणी त्या नगरसेविकेने पर्वती पोलीस ठाण्यात फिर्याद दिली आहे. सचिन मच्छिंद्र काकडे (वय 43, रा. संतोषनगर, कात्रज) असे गुन्हा दाखल करण्यात आलेल्या आरोपीचे नाव आहे. आरोपी काकडे आणि पीडित नगरसेविकेचे मैत्री संबंध होते. समाज माध्यमात छायाचित्रे, ध्वनिचित्रफीत व्हायरल करण्याची धमकी काकडे याने तिला दिली. त्यानंतर त्याने धमकावून नगरसेविकेवर वेळोवेळी बलात्कार केला.
सन 2017 पासून नगरसेविकेला धमकावून काकडे याने तिच्यावर अत्याचार केले होते. नगरसेविकेला धमकावून वेळोवेळी असे एकूण दहा लाख रुपये उकळले. त्यानंतर ही काकडे नगरसेविकेला धमकावत होता.
पतीला मैत्रीसंबंध बाबत माहिती देतो,असे सांगून तिच्याकडून आणखी पैशांची मागणी केली. अखेर काकडेच्या त्रासाला कंटाळून तिने पर्वती पोलीस ठाण्यात धाव घेतली. यासदर्भातील अधिक तपास पर्वती पोलीस करत आहेत.
