हिंजवडी: मुळशी तालुकयातील माण गाव येथील पैलवान विक्रम पारखी जिममध्ये व्यायाम करत असताना हृदय विकाराचा झटका (हार्ट अटॅक) आल्याने मृत्यू झाला असल्याची घटना ताजी असताना पुन्हा, जवळपास असाच एक प्रकार समोर आला आहे. हिंजवडी मधील संगणक अभियंता जिममधून घरी परतले तेव्हा त्यांना श्वास घेण्यास त्रास होऊ लागल्याने उपचारादरम्यान त्यांचा मृत्यू झाल्याचे समोर आले आहे.
संजीव कुमार (वय-४४, रा- हिंजवडी) असे मृत्यू झालेल्या संगणक अभियंत्याचे नाव आहे. कुमार हे मंगळवारी जिममध्ये गेले होते तेथे त्यांनी व्यायाम केला. मात्र घरी आल्यानंतर त्यांना श्वास घेण्यास त्रास होऊ लागला.
त्यामुळे त्यांना रुग्णालयात दाखल करण्यात आले. मात्र उपचारादरम्यान त्यांचा मृत्यू झाल्याचे डॉक्टरांनी सांगितले. राजीव कुमार हे हिंजवडी येथील आयटी पार्क मधील एका कंपनीत अभियंता म्हणून नोकरी करीत होते. याप्रकरणी हिंजवडी पोलीस ठाण्यात आकस्मित मृत्यूची नोंद करण्यात आली असून पुढील तपस हिंजवडी पोलीस करत आहेत.
