पुणे | प्रतिनिधी
पुणे, दि. २७ : तरुणांना लष्करात भरती करण्याचे सांगून लाखोंची फसवणूक करणाऱ्या तोतया अधिकाऱ्याला पोलिसांनकडून अटक करण्यात आली आहे. तोतया अधिकाऱ्याने तरुणांची तब्ब्ल १२ लाख ८६ हजार रुपयांची रोख व ऑनलाईन फसवणूक केली आहे. या प्रकरणी तरुणांनी वानवडी पोलिस ठाण्यात तक्रार दाखल केली होती.
रणजित कुमार राजेंद्रसिंग (वय ३४ रा. कोईमत्तुर, तामिळनाडू) असे फसवणूक करणाऱ्या तोतया अधिकाऱ्याचे नाव आहे. बनावट ओळख पात्राच्या साह्याने आर्मी इंटेलिजन्सच्या रेकॉर्ड ऑफिस मध्ये काम करत असल्याचे अधिकाऱ्या कडून तरुणांना सांगण्यात आले. तसेच सिकंदरबाद मधील ए.ओ.सी.मध्ये भरती करतो असे सांगून तरुणांना बनावट नियुक्ती पत्र देण्यात आले. गुन्ह्याचा तपास करत असताना सदर आरोपी साळुंके विहार रोड येथे असल्याची माहिती पोलिसांना मिळाली.
पोलिसांनी घटना स्थळी धाव घेत आरोपीला ताब्यात घेतले. चौकशी दरम्यान आरोपीने गुन्हा केल्याचे निष्पन्न झाले. त्याच्या कडून तीन एअर गन, कॅप्सूल, आर्मीचे बनावट ओळखपत्र, गणवेश, रबरी स्टॅम्प, लॅपटॉप तसेच सर्व्हिस सेवापत्र, पेन ड्राइव्ह व मोबाईल असा एकूण १ लाख ६ हजार रुपये किंमतीचा मुद्देमाल जप्त करण्यात आला आहे. सदर आरोपी विरोधात भादवि कलम ४०६, ४२०, ४६७, ४६८, ४७१, ४७०, १७१ अंतर्गत गुन्हा दाखल करण्यात आला आहे. पुढील तपास पोलीस उप निरीक्षक अजय शितोळे करीत आहेत.
सदरची कामगिरी पोलीस आयुक्त रितेश कुमार, सह पोलीस आयुक्त संदीप कर्णिक, अप्पर पोलीस आयुक्त रंजनकुमार शर्मा, पोलीस उपायुक्त परिमंडळ पाच विक्रांत देशमुख, सह पोलीस आयुक्त वानवडी विभाग शाहूराव साळवे यांच्या मार्गदर्शनाखाली वरिष्ठ पोलीस निरीक्षक भाऊसाहेब पाटारे, पोलीस उपनिरीक्षक गुन्हे विनय पाटणकर, अजय शितोळे, संतोष सोनावणे, पोलीस अंमलदार संतोष नाईक, अतुल गायकवाड, संतोष काळे, महेश गाढवे, अमजद पठाण, हरिदास कदम, राहुल गोसावी, अमोल गायकवाड,अमजद पठाण, हरिदास कदम, राहुल गोसावी, अमोल गायकवाड, यतीन भोसले, विठ्ठल चोरमले, राहुल माने, विष्णू सुतार, दीपक साळवे, निळकंठ राठोड, सोनम भगत, रूपाली साबळे यांनी केले आहे.
