पुणे । प्रतिनिधी
पुणे दि. २८ : नोव्हेंबर २०२३ मध्ये पक्की अनुज्ञप्ती मिळण्याच्या दृष्टीने पिंपरी-चिंचवड उप प्रादेशिक परिवहन कार्यालयातर्फे खेड, मंचर, जुन्नर, वडगाव मावळ आणि लोणावळा येथे मासिक दौऱ्याचे आयोजन करण्यात आल्याची माहिती पिंपरी चिंचवड उप प्रादेशिक परिवहन अधिकारी यांनी दिली आहे.
पक्क्या अनुज्ञप्तीच्या चाचणीसाठी २ आणि ३ नोव्हेंबर रोजी खेड, ६ आणि ७ नोव्हेंबर रोजी मंचर, १६ आणि १७ नोव्हेंबर रोजी जुन्नर, २० आणि २१ नोव्हेंबर रोजी वडगाव मावळ आणि २८ नोव्हेंबर रोजी लोणावळा येथे मासिक दौऱ्याचे आयोजन करण्यात आले आहे. पक्क्या अनुज्ञप्तीसाठी ३१ ऑक्टोबर रोजी सायं. ५ वाजता कोटा उपलब्ध होणार आहे, असेही कळविण्यात आले आहे.
