पतीच्या सततच्या छळाला कंटाळून विवाहितेने राहत्या घरात गळफास घेऊन आत्महत्या केली. हा प्रकार मंगळवारी (दि.१२) मोशी येथे घडला आहे. याप्रकरणी एम.आय.डी.सी. भोसरी पोलिसांनी आरोपी पतीला अटक केली आहे.
मयत महिलेचा भाऊ धनंजय सुरेश जाधव (वय-३३ रा. मु.शिरुर पो. कवठा ता. कंधार, जि. नांदेड) यांनी याबाबत एम.आय.डी.सी. भोसरी पोलीस ठाण्यात गुरुवारी (दि.१४) फिर्याद दिली आहे. पोलिसांनी आरोपी पती विश्वंभर व्यंकटराव दुधाटे (वय-३४ रा. कामठेवाडा, नागेश्वर मंदीराजवळ, मोशी मुळ रा. मु.पो. आरखेड ता. पालम जि. परभणी) याच्यावर भा.दं.वि. कलम ३०४(ब), ४९८(अ), ३२३, ५०४ नुसार गुन्हा दाखल करुन अटक केली आहे.
पोलिसांनी दिलेल्या माहितीनुसार, आरोपीने फिर्यादी यांच्या बहिणीचा लग्न झाल्यानंतर दीड वर्षांनी मानसिक व शारीरिक छळ करण्यास सुरुवात केली. आरोपीने फिर्यादी यांच्या बहिणीला वारंवार मारहाण करत पैशांची मागणी केली. सततच्या शारीरिक व मानसिक छळाला कंटाळून पत्नीने राहत्या घरी गळफास घेवून आत्महत्या केली आहे.
पत्नीला आत्महत्येस प्रवृत्त केल्याप्रकरणी एम.आय.डी.सी. भोसरी पोलिसांनी गुन्हा दाखल करुन पतीला अटक केली आहे. पुढील तपास पोलीस उपनिरीक्षक अहिरे करीत आहेत.
