पुणे प्रतिनिधी
पुणे, दि. २४: पुणे शहरातील घाट भागात चांगला पाऊस पडत आहे. आजही, हवामान विभागाने जाहीर केले आहे की पुढील किमान चार दिवस पुणे शहरातील घाटांमध्ये मुसळधार ते अति मुसळधार पाऊस पडणार आहे.
शहराला पाणीपुरवठा करणारी चार धरणे ५० टक्क्यांहून अधिक भरली आहेत. खडकवासला धरणात १.४४ टीएमसी पाण्याची नोंद झाली असून ७२.८३ टक्के भरले आहे. वरसगावात ७.२२ टीएमसी पाणीसाठा झाला असून ५६.३३ टक्के भरले आहे; पानशेतमध्ये ६.४७ टीएमसी पाणीसाठा असून ६०.७४ इतका आहे, तर टेमघर धरणात १.४४ टीएमसी पाण्याची नोंद झाल्याने धरण ३८.९४ टक्के भरले आहे.
असाच पाऊस पडल्यास पुणेकरांना पाणीपुरवठा कपातीची चिंता करावी लागणार नाही. तसेच येत्या चार दिवसांत शहरात मुसळधार पाऊस पडण्याची दाट शक्यता असल्याने नागरिकांनी योग्य ती खबरदारी घेण्याचे आवाहन करण्यात आले आहे.
