पिंपरी-चिंचवड शहराचे ‘जिजाऊ नगर’ असे नामकरण करण्याच्या मागणीसाठी भक्ती-शक्ती प्रतिष्ठानने पुन्हा एकदा शहरभर फ्लेक्स आणि बॅनर लावले आहेत.
महिन्याच्या सुरुवातीला छत्रपती शिवाजी महाराजांच्या मातोश्री राजमाता जिजाऊ यांना आदरांजली म्हणून पिंपरी-चिंचवड शहराचे नामांतर करण्याच्या मागणीच्या समर्थनार्थ शहरभर शेकडो बॅनर लावण्यात आले होते. त्याचप्रमाणे या मागणीच्या समर्थनार्थ प्रतिष्ठानकडून #ISupportJijauNagar या नावाने सोशल मीडिया मोहीमही सुरू आहे.
शनिवारी (17 जून) राजमाता जिजाऊंची 350 वी पुण्यतिथी असून त्यानिमित्ताने भक्ती-शक्ती प्रतिष्ठानने पुन्हा एकदा आपली मागणी केली आहे. पिंपरी-चिंचवडला ‘पीसीएमसी’ असे संबोधले जाते. असेच सुरू राहिल्यास भविष्यात शहराची ओळख नष्ट होईल. ही बाब लक्षात घेऊन शहराचे जिजाऊ नगर असे नामकरण करावे, अशी मागणी भक्ती-शक्ती प्रतिष्ठानकडून सातत्याने होत आहे.
मुंबईचे जसे बॉम्बे झाले तसे पिंपरी-चिंचवडचे नाव पीसीएमसी ठेवू नये. पीसीएमसी हे नाव इंग्रजी आहे. अनेकदा व्यावसायिक किंवा राज्याबाहेरील लोक पिंपरी-चिंचवड हे नाव घेण्याचे टाळतात आणि पीसीएमसी हे नाव घेतात.यामुळे शहराची ओळख कमी होत असल्याचे महेश बारणे सांगतात. शहराचे नाव जिजाऊ नगर असावे, असा त्यांचा आग्रह आहे.
शहराचे जिजाऊ नगर असे नामकरण केल्यास राजमाता जिजाऊंना वंदन होईल आणि शहराचा वारसा जपला जाईल, असा भक्ती-शक्ती प्रतिष्ठानचा ठाम विश्वास आहे, असे ते म्हणाले.
