पुणे : रस्त्याने पायी जाणाऱ्या तरुणीला अडवून तिला किस करण्याचा प्रयत्न करुन विनयभंग केल्याची घटना कोंढवा परिसरात घडली आहे. याप्रकरणी कोंढवा पोलिसांनी एका तरुणाला अटक केली आहे. हा प्रकार मंगळवारी (दि.२०) रात्री आठच्या सुमारास महंमदवाडी येथील विबग्योर स्कूलच्या समोर घडला. याबाबत २० वर्षीय तरुणीने कोंढवा पोलीस ठाण्यात फिर्याद दिली आहे.
यावरुन भारतलाल रामप्रसाद कुलदीप वर्मा (वय-१९ रा. कृष्णानगर, महंमदवाडी) याच्यावर भा.दं.वि. कलम ३५४, ३५४अ नुसार गुन्हा दाखल करुन अटक केली आहे. पोलिसांनी दिलेल्या माहितीनुसार, पीडित तरुणी मंगळवारी रात्री विबग्योर स्कूलच्या समोरील रस्त्यावरुन पायी जात होती. त्यावेळी आरोपी त्या ठिकाणी थांबला होता. त्याने मुलीचे तोंड दाबून जबरदस्तीने किस करण्याचा प्रयत्न केला. तसेच तिचे कपडे फाडण्याचा प्रयत्न करुन विनयभंग केल्याचे फिर्यादीत नमूद केले आहे. पुढील तपास कोंढवा पोलीस स्टेशनचे सहायक पोलीस निरीक्षक राजेश उसगावकर करीत आहेत.
