पुणे | प्रतिनिधी
पुणे, दि. १२ : पुणे महानगर परिवहन महामंडळ लिमिटेड नवीन तंत्राचा अवलंब करून प्रवाशांचा प्रवास सुखकर करून तंत्रज्ञानाच्या सहाय्याने पुढे जाण्याचा निर्णय घेतला आहे. ताज्या उपक्रमात, परिवहन संस्थेने प्रवाशांना त्यांच्या प्रवासादरम्यान ऑनलाईन पेमेंट करण्यासाठी युपीआय पेमेंट पर्याय उपलब्ध करून देण्याची घोषणा केली आहे. अधिकाऱ्यांनी दिलेल्या माहितीनुसार पुढील आठवड्यात प्रवाशांसाठी ही सेवा सुरू होण्याची शक्यता आहे.
अधिकाऱ्यांच्या म्हणण्यानुसार या उपक्रमामुळे पीएमपीएमएल बस मधील प्रवाशादरम्यान पैसे बदलण्यावरून होणारे वाद कमी होण्यास मदत होईल. याशिवाय यामुळे प्रवाशांसाठी पेमेंट पर्याय देखील सोपे होतील कारण यूपीआय पेमेंट पर्याय सुरू झाल्यापासून अनेकांनी रोख रक्कम घेणे बंद केले आहे आणि ते रस्त्यावरील दुकानांसह बहुतांश ठिकाणी स्वीकारले जाते.
बसेसमध्ये गर्दी असल्याने व वाहतूक हाताळणे कठीण होऊन बसमध्ये पैसे बदलण्यासाठी कंडक्टरला गर्दीच्या वेळी समस्यांना समोरे जावे लागते. मात्र, नव्या उपक्रमामुळे हा प्रश्न सुटण्याची शक्यता आहे. पुढील आठवड्यात सर्व पीएमपीएमएल बसेसमध्ये ऑनलाईन पेमेंट करण्यासाठी स्कॅनर उपलब्ध करून देण्यात येणार असल्याचे अधिकाऱ्यांनी सांगितले.
