पुणे : लोणीकंद पोलिसांनी वाघोलीतील सर्व घरमालकांना भाडेकरूंचा सर्व आवश्यक आणि संबंधित तपशील सादर करण्याच्या सूचना दिल्या आहेत. नुकतेच कोंढवा येथे भाड्याने राहणाऱ्या दहशतवाद्यांच्या अटकेनंतर हे पाऊल घेण्यात आले आहे.
लोकतंत्रशी बोलताना, लोणीकंद पोलीस ठाण्याचे वरिष्ठ पोलीस निरीक्षक विश्वजित कायंगडे म्हणाले, “लोणीकंद पोलीस ठाण्याच्या हद्दीतील भूखंडधारक, इमारत मालक, जमीन मालक आदींनी भाडेकरूंची सर्व माहिती देण्यास नकार दिल्यास कायदेशीर व कडक कारवाई केली जाईल. कोंढवा येथील एका सोसायटीत भाडेकरू म्हणून राहणाऱ्या दहशतवाद्यांना अटक केल्यानंतर लोणीकंद पोलिसांनी अशा घरमालकांवर कडक कारवाई करण्यास सुरुवात केली आहे.
माहितीनुसार, पुणे शहर पोलीस कृतीत उतरले असून, पुणे शहरातील कोंढवा आणि मुंढवा भागात भाडे कायद्याची कडक अंमलबजावणी होत असतानाच, लोणीकंद पोलिसांनी सर्व घर व सदनिकाधारकांना भाडेतत्वाची माहिती सादर करण्याचे आवाहन केले आहे.
भाडेकरूंची माहिती पोलीस ठाण्यात सादर न केल्यास जागा मालकावर कलम 144 (कोड ऑफ क्रिमिनल प्रोसिजर) अंतर्गत कठोर कायदेशीर कारवाई करण्यात येईल, असा इशारा लोणीकंद पोलिसांनी दिला आहे.
