पुणे : सुनेचा मानसिक आणि आर्थिक त्रास होत असल्याने सासरच्या मालकीचे घर १५ दिवसांत रिकामे करण्याचे सक्त आदेश पुणे न्यायालयाने सुनेला दिले आहेत.
मिळालेल्या माहितीनुसार, सासरे ज्येष्ठ नागरिक असून सून त्यांच्यासोबत रहात होती. प्रथमवर्ग न्यायदंडाधिकारी सी.के शेळके यांनी सुनेने तिच्या सासरच्या मालकीचे घर १५ दिवसांत सोडावे, असा आदेश दिला.
या प्रकरणी सुनेने पती, सासू, सासरे आणि इतर नातेवाईकांविरुद्ध २०२२ साली घरगुती हिंसाचार कायद्यांतर्गत दंडाधिकारी यांच्या न्यायालयात दावा दाखल केला होता.
त्या प्रकरणाच्या सुनावणीदरम्यान, न्यायालयाने ऑगस्ट २०२२ मध्ये बंगल्यातील एक खोली सुनेला देण्याचे आदेश दिले होते. हा बंगला सासरच्यांचा आहे कारण महिलेचा नवरा कामानिमित्त अमेरिकेत रहात होता .
ऑगस्ट २०२२ मध्ये कोर्टाने सुनेला ज्येष्ठ नागरिक असल्याने सासऱ्यांना त्रास देऊ नये असे आदेश दिले. मात्र, सुनेने घरातील साहित्याची तोडफोड करून त्यांचा शारीरिक व आर्थिक छळ सुरूच ठेवला.
या प्रकरणाची सुनावणी सुरू असतानाच पतीने संबंधित महिलेला भाड्याने घर देण्याचा निर्णय घेतला होता. त्यानुसार न्यायालयाने पतीला दरमहा २५ हजार रुपये भाडे पत्नीला देण्याचे आदेश दिले आहेत. सुनेच्या हलाखीच्या परिस्थितीने कंटाळलेल्या व हताश झालेल्या मॅजिस्ट्रेट कोर्टात अर्ज दाखल केला. या अर्जात सुनेला बंगल्यातील खोली देण्याबाबतचा न्यायालयाचा ऑगस्ट २०२२ चा आदेश मागे घेण्याची मागणी करण्यात आली होती.
दोन्ही पक्षांचे म्हणणे ऐकून घेतल्यानंतर न्यायालयाने सुनेला पंधरा दिवसांत बंगला रिकामा करण्याचे आदेश दिले आहेत.
