पुणे : पंतप्रधान नरेंद्र मोदी 1 ऑगस्ट रोजी पुणे, महाराष्ट्राला भेट देणार आहेत. पुणे मेट्रोच्या पूर्ण झालेल्या स्टेशनच्या उद्घाटन करण्यासाठी पंतप्रधान मेट्रो ट्रेनला हिरवा झेंडा दाखवणार आहेत. पंतप्रधान आवास योजनेंतर्गत बांधण्यात आलेल्या घरांचे हस्तांतर आणि पायाभरणीही करतील. मोशी येथे उभारण्यात आलेल्या वेस्ट टू एनर्जी प्लांटचे उद्घाटनही पंतप्रधान करणार आहेत. पंतप्रधानांना लोकमान्य टिळक राष्ट्रीय पुरस्काराने सन्मानित करण्यात येणार आहे.
सकाळी 11 वाजता पंतप्रधान श्रीमंत दगडूशेठ हलवाई गणपती मंदिरात दर्शन आणि पूजा करतील. सकाळी 11.45 वाजता त्यांना लोकमान्य टिळक राष्ट्रीय पुरस्कार प्रदान करण्यात येईल. त्यानंतर, दुपारी 12:45 वाजता पंतप्रधान मेट्रो ट्रेनला हिरवा झेंडा दाखवतील आणि विविध विकास प्रकल्पांचे उद्घाटन आणि पायाभरणी करतील.
पुणे मेट्रो फेज I च्या दोन कॉरिडॉरच्या पूर्ण झालेल्या सेवेच्या उद्घाटनासाठी पंतप्रधान मेट्रो ट्रेनला हिरवा झेंडा दाखवतील. हे विभाग फुगेवाडी स्टेशन ते सिव्हिल कोर्ट स्टेशन आणि गरवारे कॉलेज स्टेशन ते रुबी हॉल क्लिनिक स्टेशन पर्यंत आहेत. 2016 मध्ये पंतप्रधानांच्या हस्ते या प्रकल्पाची पायाभरणीही करण्यात आली होती. नवीन विभाग पुणे शहरातील शिवाजी नगर, दिवाणी न्यायालय, पुणे महानगरपालिका कार्यालय, पुणे आरटीओ आणि पुणे रेल्वे स्थानक यांना जोडतील. देशभरातील नागरिकांना आधुनिक आणि पर्यावरणपूरक जलद शहरी वाहतूक व्यवस्था उपलब्ध करून देण्याच्या पंतप्रधानांच्या संकल्पनेला साकार करण्याच्या दिशेने हे उद्घाटन एक महत्त्वाचे पाऊल आहे.
मार्गावरील काही मेट्रो स्थानकांची रचना छत्रपती शिवाजी महाराज यांच्यापासून प्रेरणा घेते. छत्रपती संभाजी उद्यान मेट्रो स्टेशन आणि डेक्कन जिमखाना मेट्रो स्टेशन्सची रचना छत्रपती शिवाजी महाराजांच्या सैनिकांनी परिधान केलेल्या हेडगियर सारखी आहे – ज्याला “मावळा पगडी” असेही म्हणतात. शिवाजी नगर भूमिगत मेट्रो स्टेशनची एक विशिष्ट रचना आहे जी छत्रपती शिवाजी महाराजांनी बांधलेल्या किल्ल्यांची आठवण करून देते.
आणखी एक वैशिष्ट्य म्हणजे सिव्हिल कोर्ट मेट्रो स्टेशन हे देशातील सर्वात खोल मेट्रो स्टेशनांपैकी एक आहे, ज्याचा सर्वात खोल बिंदू 33.1 मीटर आहे. स्टेशनचे छत अशा पद्धतीने बनवले आहे की थेट सूर्यप्रकाश फलाटावर पडेल.
पिंपरी चिंचवड महानगरपालिका अंतर्गत वेस्ट टू एनर्जी प्लांटचे उद्घाटन पंतप्रधान करणार आहेत. सुमारे 300 कोटी रुपये खर्चून विकसित करण्यात आलेले, ते वीज निर्मितीसाठी दरवर्षी सुमारे 2.5 लाख मेट्रिक टन कचरा वापरेल.
सर्वांसाठी घरे मिळवण्याच्या ध्येयाकडे वाटचाल करत, पंतप्रधान पिंपरी चिंचवड महापालिकेद्वारे प्रधानमंत्री आवास योजनेंतर्गत बांधण्यात आलेल्या 1280 हून अधिक घरांचे हस्तांतरण करतील. पुणे महापालिकेने बांधलेली २६५० हून अधिक पिमे घरेही ते हस्तांतरित करणार आहेत. पुढे, पीसीएमसी द्वारे बांधण्यात येणार्या सुमारे 1190 पीमे घरांचे आणि पुणे महानगर प्रदेश विकास प्राधिकरणाने बांधलेल्या 6400 हून अधिक घरांचेही पंतप्रधान पायाभरणी करतील.
पंतप्रधानांना लोकमान्य टिळक राष्ट्रीय पुरस्कार प्रदान करण्यात येणार आहे. लोकमान्य टिळकांच्या वारशाचा गौरव करण्यासाठी टिळक स्मारक मंदिर ट्रस्टने 1983 मध्ये या पुरस्काराची स्थापना केली होती. राष्ट्राच्या प्रगतीसाठी आणि विकासासाठी कार्य केलेल्या आणि ज्यांचे योगदान केवळ उल्लेखनीय आणि असाधारण म्हणून पाहिले जाऊ शकते अशा लोकांना हा पुरस्कार दिला जातो. लोकमान्य टिळकांच्या पुण्यतिथी – दरवर्षी 1 ऑगस्ट रोजी ते सादर केले जाते.
पंतप्रधान हे या पुरस्काराचे 41वे प्राप्तकर्ते ठरणार आहेत. हे यापूर्वी डॉ. शंकर दयाळ शर्मा, श्री प्रणव मुखर्जी, श्री अटल बिहारी वाजपेयी, श्रीमती इंदिरा गांधी, डॉ. मनमोहन सिंग, श्री एन आर नारायण मूर्ती, डॉ. ई. श्रीधरन यासारख्या दिग्गजांना सादर केले गेले आहे.
