पुणे | प्रतिनिधी
पुणे, दि. १२ : वैद्यकीय महाविद्यालय हस्तांतरित करण्याचे आश्वासन देत फिर्यादी कडून करोडो रुपये रक्कम स्वीकारून खोटे व बनावट एम.ओ. यु. तयार करून फसवणूक केले प्रकरणी दाखल झालेल्या गुन्ह्यात धन्वंतरी आयुर्वेदिक मेडिकल कॉलेज अँड रिसर्च सेंटर चे मुख्य प्रशासकीय अधिकारी संजोग महादेव देशमुख यास पुणे शहराच्या गुन्हे शाखा पोलिसांनी अटक केली आहे.
सदर प्रकरणाचे संदर्भात फिर्यादी परिक्षीत नामपूरकर यांनी तात्काळ त्यांचे वकील ॲड. विजयसिंह ठोंबरे यांचे मार्फत पोलिसात तक्रार दाखल केली. सदर प्रकरणात तपास अधिकारी श्री विशाल मोहिते यांनी आरोपी संजोग देशमुख यास अटक केली आहे. तसेच, महादेव देशमुख हा मार्च २०२२ पासून अशाच फसवणुकीच्या प्रकरणात ई. डी. च्या कोठडीत आहे.
अटक आरोपीस प्रथम वर्ग न्यायदंडाधिकारी श्री सी. पी. शेळके यांचे न्यायालयात हजर करण्यात आले होते. सदर होण्याचे गांभीर्य लक्षात घेता १५.०९.२०२३ तारखेपर्यंत पोलीस कोठडीचे आदेश फर्माविण्यात आले आहे. सदर प्रकरणात फिर्यादीतर्फे Adv. विजयसिंह ठोंबरे यांनी कामकाज पाहिले तसेच सरकार पक्षातर्फे सरकारी वकील ऍड रेणुका देशपांडे कर्जतकर यांनी कामकाज पाहिले.
