पिंपरी(प्रतिनिधी) : दि इन्स्टिटयूट ऑफ चार्टर्ड अकाउंटंट्स ऑफ इंडिया पिंपरी चिंचवड शाखेच्या अध्यक्ष पदी “सी ए पंकज पाटनी” यांची निवड करण्यात आली.निगडी येथील संस्थेच्या कार्यालयात नुकत्याच घेण्यात आलेल्या निवडणूकीमध्ये त्यांची निवड जाहीर करण्यात आली . मावळते अध्यक्ष – सीए सचिन बन्सल यांच्याकडून “सी ए पंकज पाटनी” यांनी अध्यक्षपदाची सूत्रे हाती घेतली.
संस्थेची जाहीर केलेली कार्यकारिणी पुढीलप्रमाणे सी ए वैभव मोदी -उपाध्यक्ष, सीए सारिका चोरडीया( सचिव), सी ए शैलेश बोरे (खजिनदार), सी ए सचिन ढेरंगे(अध्यक्ष सीए विद्यार्थी संघटना) , माजी अध्यक्ष सीए सचिन बन्सल , सीए विजयकुमार बामने आणि यांचा समावेश आहे.
संस्थेच्या आवारात सी ए सदस्य आणि विद्यार्थीसाठी कार्यशाळा ,कर विषयक ज्ञान प्रसार, परिसंवाद, विद्यार्थ्यांना मार्गदर्शन आणि इतर समाज उपयोगी उपक्रम वर्षभर उपक्रम राबविण्यात येणार असल्याची माहिती नवनिर्वाचित अध्यक्ष पदी “ सीए पंकज ” यांनी दिली.
