पुणे | प्रतिनिधी
पुणे, दि. ०३ : प्रसिद्ध लेखक राजन खान यांचा मुलगा डेबू राजन खान (वय २७) याने तळेगाव येथील राहत्या घरी गळफास घेऊन आत्महत्या केली आहे. सोमवारी (२ ऑक्टोबर) दुपारी सोमाटणे फाटा येथील शिंदे वस्ती परिसरात असणाऱ्या सोसायटीमधील फ्लॅटमध्ये ही घटना घडली.
तळेगाव दाभाडे पोलिस ठाण्याचे वरिष्ठ पोलिस निरीक्षक सत्यवान माने यांनी दिलेल्या माहितीनुसार, डेबू खान हा घरी एकटा राहत असल्याची माहिती मिळाली आहे. त्याने सोमवारी दुपारच्या वेळेत पंख्याला लटकून गळफास घेत आत्महत्या केली आहे.
आत्महत्या केली तेव्हा तो घरी एकटाच होता. आत्महत्येचे कारण अद्याप समजू शकलेले नाही. डेबू याचा मृतदेह शवविच्छेदनासाठी तळेगाव येथील रुग्णालयात पाठविण्यात आला आहे.
डेबू बरोबर फ्लॅटवर आणखी कोण कोण राहत होते, त्याचे कुठे आर्थिक व्यवहार सुरू होते का, याचा तपास पोलिस करत आहेत.
