पुणे प्रतिनिधी
पुणे दि.८ : इंद्रायणी नदी प्रदूषणमुक्त करण्याच्या पुणे महानगर क्षेत्र विकास प्राधिकरणाच्या (पीएमआरडीए) प्रकल्पाला राज्य सरकारने ग्रीन सिग्नल दिला आहे. पीएमआरडीएचे उपजिल्हाधिकारी रामदास जगताप यांनी ही माहिती दिली.
रामदास जगताप म्हणाले, “सविस्तर प्रकल्प आराखडा (डीपीआर) आता अंतिम मंजुरीसाठी केंद्र सरकारकडे पाठवला जाऊ शकतो. इंद्रायणी नदीच्या काठावर 18 सांडपाणी प्रक्रिया प्रकल्प (एसटीपी) बसविण्याचा प्रस्तावही ठेवण्यात आला आहे. अंतिम मंजुरी मिळाल्यावर बजेट आणि इतर महत्त्वाचे निर्णय घेतले जातील.
माहितीनुसार, केंद्र सरकारकडून अंतिम मंजुरी मिळाल्यास ५० टक्के निधी केंद्र सरकारकडून, तर ५० टक्के निधी राज्य सरकार देणार आहे. या प्रकल्पांतर्गत 103 किमी लांबीच्या इंद्रायणी नदीचे प्रदूषण रोखण्याचे अनेक उप-प्रकल्प प्रस्तावित आहेत. 17-18 किमी पिंपरी चिंचवड महानगरपालिका कार्यक्षेत्रात आहे.
अनेक औद्योगिक कंपन्या प्रक्रिया न केलेले पाणी थेट नदीत सोडतात, जे धोकादायक बनले आहे. अशा औद्योगिक पाण्यामुळे निर्माण होणाऱ्या प्रदूषणाला आळा घालण्याचा प्रयत्न केला जाईल. प्रदूषणमुक्त नदीबरोबरच नदीच्या काठाचे सुशोभीकरण केले जाईल, तसेच भाविकांसाठी घाट बांधण्यात येईल, जेणेकरून ते पर्यटन स्थळ म्हणून विकसित होईल.
