पुणे | प्रतिनिधी
पुणे, दि. २४ : कोंढवा येथील एनआयबीएम रोडवरील सनश्री एमराल्ड सोसायटीची रिटेनिंग वॉल आज सकाळी कोसळली आहे. सुदैवाने या घटनेत कोणीही जखमी झाले नाही. कोंढवा खुर्द अग्निशमन केंद्रात चौकशी केली असता त्यांनी घटनेची पुष्टी केली आणि कोणतीही जीवितहानी झाल्याचे वृत्त नसल्याचे सांगितले.
सनश्री एमराल्ड सोसायटीचे सचिव म्हणाले, “एक खाजगी प्लॉट मालक असून त्याने बांधकामाचे काम हाती घेतले आहे. आम्ही त्यांना कामाच्या अगोदर सांगितले होते की काम हाती घेण्यापूर्वी नियमांचे संच बंधनकारक आहे. त्यांची तारांबळ उडाली असून आज भिंत कोसळण्याची घटना घडली आहे. आज सकाळी 9.30 वाजता भिंत कोसळली. 12 फुटांपेक्षा जास्त भिंत कोसळली आहे. आता पुढील कारवाईसाठी आम्हाला पीएमसीने बांधकाम परवानगी विभागाला भेटण्यास सांगितले आहे. सुदैवाने, ही घटना घडली तेव्हा आजूबाजूला कोणीही रहिवासी नव्हते.”
घटनेतील अधिक तपशीलाची प्रतीक्षा आहे.
