चीनला भूकंपाचा मोठा धक्का बसला आहे. या भूकंपामध्ये 110 हून अधिकजणांचा मृत्यू झाला आहे. मध्यरात्रीच्या सुमारास चीनला भूकंपाचा धक्का बसला. त्यानंतर सकाळी पुन्हा भूकंपाचे धक्के चीनमध्या जाणवले. मात्र चीनच नाही तर अफगाणिस्तान, म्यानमारबरोबरच भारतामधील लडाखमधील कारगिल आणि अंदमानच्या सुमद्रामध्येही भूकंपाचे धक्के जाणवले.
या सर्व देशांमध्ये वेगवेगळ्या तिव्रतेचे भूकंपाचे धक्के जाणवले. चीनमध्ये भूकंपामुळे सर्वाधिक नुकसान झालं आहे. मध्यरात्री आलेल्या 6.2 रिस्टर स्केलच्या भूकंपामध्ये आतापर्यंत 111 जणांचा मृत्यू झाल्याची माहिती समोर आली आहे. या भूकंपामध्ये 200 हून अधिक जण जखणी झाले आहे. चिनी राष्ट्राध्यक्ष जिनपिंग यांनी भूकंपाची तिव्रता लक्षात घेत ऑल आऊट मोहिमेची घोषणा केली आहे.
