पुणे | प्रतिनिधी
पुणे १८ अभियांत्रिकीमधील शैक्षणिक अडथळांना तोंड देत असलेल्या विद्यार्थ्यांना मोठा दिलासा मिळाला आहे. उच्च व तंत्रशिक्षण विभाग, महाराष्ट्र यांनी शैक्षणिक वर्ष 2023 – 24 मध्ये त्यांच्या पदविका अभ्यासक्रमच्या पहिल्या आणि द्वितीय वर्षात अनुउत्तीर्ण झालेल्या विद्यार्थ्यांना आधार देण्याच्या उद्देशाने एक प्रकारची तरतूद केली आहे.
हा अपवादात्मक उपाय या विद्यार्थ्यांना त्यांच्या प्रलंबित अभ्यासक्रमाकडे लक्ष देण्यास आणि त्यानंतरच्या सेमिस्टर किंवा वर्षात पुढे जाण्यास सक्षम करतो.
पालकमंत्री चंद्रकांत पाटील यांनी या निर्णयाच्या दूरगामी परिणामावर प्रकाश टाकत ट्विटर द्वारे ही महत्त्वपूर्ण माहिती दिली. या संधीचा थेट फायदा अंदाजे 58 हजार विद्यार्थ्यांना होणार आहे. महाराष्ट्र राज्य तंत्रशिक्षण मंडळाच्या नियामक परिषदेने अभियांत्रिकीच्या विद्यार्थ्यांना भेडसावणारी विशिष्ट परिस्थिती ओळखून त्यांचे हित लक्षात घेऊन हा निर्णय घेतला असल्याचे पाटील यांनी आवर्जून सांगितले.
या उपक्रमांतर्गत जे विद्यार्थी पदवी कार्यक्रमाच्या सुरुवातीच्या आणि दुसऱ्या वर्षात यशस्वीरित्या प्रगती केली नाही. त्यांना 2023 – 24मधील आगामी सेमिस्टर किंवा शैक्षणिक वर्षासाठी त्यांच्या अभ्यासक्रमाच्या आवश्यकता पूर्ण करण्याची एकच संधी मिळेल. पाटील यांनी यावर भर दिला की या उपायामुळे या विद्यार्थ्यांना त्यांच्या शैक्षणिक प्रवासात आत्मविश्वासाने पुढे जाण्याची अनमोल संधी मिळते.
