पुणे प्रतिनिधी
शुक्रवारी नांदेड जिल्ह्यातील अनेक तालुक्यात विजांच्या कडकडासह पावसाने हजेरी लावली. नांदेड शहरासह किनवट, हिमायतगर, भोकर, हदगाव, मुखेड तालुक्यात मुसळधार पाऊस झाला. किनवट तालुक्यातील बोधडी नागसवाडी येथील साईनाथ दत्ता घुगे आणि त्यांची वैष्णवी घुगे हे दोघे शुक्रवारी दुपारी शेतात गेले होते. शेतातील कामे करत असताना अचानक पाऊस सुरु झाला.
पावसापासून बचाव करण्यासाठी झोपडीकडे जात असताना त्यांच्यावर त्यांच्या वीज कोसळली. यात साईनाथ घुगे या २५ वर्षीय शेतकऱ्याचा जागीच मृत्यू झाला. त्याची पत्नी वैष्णवी घुगे ह्या जखमी झाल्या. त्यांच्यावर गोकुंदा येथील उपजिल्हा रुग्णालयात उपचार सुरु आहे. दरम्यान, हिमायतनगर तालुक्यातही वीज पडून महिलेचा मृत्यू झाला आहे. शांताबाई खंदारे अस महिलेचे नाव आहे.
शांताबाई ह्या हिमायतनगर तालुक्यातील मौजे एकंबा येथील रहिवासी आहेत. २९ सप्टेंबर रोजी दुपारी १ ते २ वाजेच्या दरम्यान त्या शेताकडे गेल्या होत्या. दुपारी अचानक वादळी वाऱ्यासह पाऊस सुरू झाला. तेव्हा शांताबाई यांनी झाडाखाली आसरा घेतला. यावेळी त्यांच्यावर अचानक विज कोसळली. यामध्ये त्यांचा जागीच मृत्यू झाला. घटनेची माहिती मिळताच गावात शोककळा पसरली. जिल्ह्यात वीज कोसळून दोन शेतकऱ्यांचा मृत्यू झाल्याने हळहळ व्यक्त होत आहे.
