पुणे : सावित्रीबाईं फुले पुणे विद्यापीठात पुन्हा एकदा राडा झाल्याची घटना घडली आहे. विद्यापीठातील ललित कला केंद्र ह्या विभागाच्या परीक्षा अभ्यासी नाट्यप्रयोगाचे आज आयोजन करण्याचा आले होते.यामध्ये ‘जब वी मेट’ ह्या नाटकाच्या प्रयोगामध्ये रामायणातील पात्रांच्या तोंडी आक्षेपार्ह मजकूर असल्याचा आरोप करत काही विद्यार्थी संघटनांनी गोंधळ घालत प्रयोग बंद पाडला. यामध्ये अभाविप (ABVP) च्या काही बाहेरील आणि विद्यापीठातील विद्यार्थ्यांनी राडा घातल्याचा प्रकार समोर आला आहे.
सावित्रीबाई फुले पुणे विद्यापीठातील ललित कला केंद्रातील विद्यार्थ्यांकडून आज संध्याकाळी रामायणात काम करणाऱ्या कलाकारांच्या आयुष्यावर आधारित एका नाटकाच्या प्रयोगाचे आयोजन करण्यात आले होते. जब वी मेट या नावाच्या या नाटकात रामायणात काम करणाऱ्या कलाकारांचे वैयक्तिक आयुष्य दाखवण्याचा प्रयत्न आला होता. ललित कला केंद्राचा विद्यार्थी असलेल्या भावेष राजेंद्र नावच्या विद्यार्थ्याने या नाटकाचे लेखन आणि दिग्दर्शन केले होते. मात्र, या नाटकातील संवादांना अखिल भारतीय विद्यार्थी परिषदेच्या कार्यकर्त्यांनी आक्षेप घेतला आणि नाटकाचा प्रयोग उधळून लावला. यावेळी नाटकात काम करणाऱ्या विद्यार्थ्यांना मारहाण देखील करण्यात आली. त्यानंतर सावित्रीबाई फुले पुणे विद्यापीठात पोलीस तैनात करण्यात आलेत.
सावित्रीबाई फुले पुणे विद्यापीठामधील ललित कला केंद्र या विभागाकडून सादर केलेल्या नाटकांमध्ये प्रभू श्रीराम व सीता माता यांची भूमिका विदूषकाप्रमाणे दाखवण्यात आली. त्याच बरोबर प्रभू श्रीराम यांना राखी सावंत व देवी देवतांच्या पात्राच्या मुखातून शिव्या आणि आक्षेपार्ह भाषा वापरण्यात आली. अभाविप पुणे महानगरच्या कार्यकर्त्यांनी हे आक्षेपार्ह नाटक बंद केले. हिंदू देवी देवता बद्दल अशा प्रकारची भाषा मुळीच खपवून घेतली जाणार नाही व संबंधित दोषी विरूध्द कारवाई करण्यात यावी अशी भूमिका अभाविप पुणे तर्फे घेण्यात आली आहे, अशी प्रतिक्रिया शुभंकर बाचल यांनी दिली आहे.
