दिवसेंदिवस चोरीच्या प्रकरणात वाढ होत असल्याचे आपण पाहतो.पण काही आरोपी खूप चलाखपणे काम करतात. अशा वेळी त्यांना पकडणे कठीण जाते.अशाच अट्टल गुन्हेगारांना गुन्हे शाखा युनिट 4 कडून अटक करण्यात आली आहे.ही घटना हिंजवडी पोलिस स्टेशनच्या हद्दीत घडली आहे.
०६/१२/२०२२ रोजी दुपारी ०२ वाजण्याचे सुमारास एक महिला दवाखान्यातुन उपचार घेवून मोटारसायकल वरून घरी जात होती.त्यावेळेस तिला संत तुकाराम साखर कारखाना, कासारसाई जवळ एका अज्ञात इसमाने अन मारहाण केली.तसेच तीचे गळ्यातील सोन्याची मंगळसूत्र, कानातील टॉप्स, अंगठी जबरदस्तीने हिसकावुन जबरी चोरी करून तेथुन पळुन गेले.
तसेच दि. ०४/०२/२०२३ रोजी सायंकाळी सहा वाजण्याचे सुमारास दोन अज्ञात इसमांनी डेन्टल क्लिनीक, कासारसाई येथे डेंटल क्लिनीक मध्ये एकटया असलेल्या महिलेला पाहुन तिचे डोळ्यात मिरची पुड टाकली.तसेच तीचे गळ्यातील सोन्याची चैन व पर्स जबरदस्तीने हिसका मारून चोरी करून तेथुन पळून गेले(Unit-4).
अशाच प्रकारच्या शिरगाव, देहुरोड व तळेगाव दाभाडे पोलीस ठाणे येथे देखिल अशा स्वरुपाचे गंभीर गुन्हे दाखल होते. सदरचे प्रकार गंभीर स्वरुपाचे असल्याने मा. पोलीस आयुक्त सो, विनयकुमार चौबे सो यांनी सदर बाबत गुन्हे शाखेने लक्ष घालून आरोपी अटक करुन गुन्हा उघडकीस आणणे बाबत आदेशित केले होते.
त्यानुसार आम्ही गुन्हे शाखा युनिट-४ कडील अधिकारी व अंमलदार यांना सदरचा गुन्हे हे गंभीर स्वरुपाचे असल्याने सदर पडलेल्या गुन्ह्यांबाबत तांत्रिक विश्लेषण करून व बातमीदारांना सतर्क करून आरोपीला तात्काळ अटक करण्याच्या सूचना दिल्या होत्या. तेव्हा सदर पडलेल्या गुन्हयांबाबत पोहवा तुषार शेटे व पोशि/प्रशांत सद यांनी केलेल्या तांत्रिक विश्लेषणा व्दारे आरोपी निष्पन्न केला. परंतु आरोपी हे खुप चालाक असल्याने ते वेगवेगळ्या ठिकाणी व वेगवेगळ्या साधनांचा वापर करत होते. तसेच त्याचे राहण्याचे ठिकाणा नसल्याने मागील दोन महिन्यापासून वेगवेगळया ठिकाणी सापळा लावला होता परंतु त्यांना पकडणे खुप कठिण जात होते.
तेव्हा केलेल्या तांत्रिक विश्लेषणाव्दारे सदर आरोपी हे दि. ०७/०६/२०२३ रोजी हिंजवडी परिसरात असले बाबत माहिती मिळाल्याने गुन्हे शाखा युनिट-४ चे वरिष्ठ पोलीस निरीक्षक शंकर आवताडे यांनी सपोनि सिद्धनाथ बावर, पोउपनि गणेश रायकर, सहा. फौजदार नारायण जाधव आबासाहेब किरनाळे, पोना / वासुदेव मुंढे पोना/ सुनिल गुट्टे, पोना / सुरेश जायभाये, पोशि/ सुखदेव गावंडे, पोशि/ धनाजी शिंदे, पोशि/ गोविंद चव्हाण यांची वेगवेगळी पथके तयार करून त्यांना सदर ठिकाणी जावुन कारवाई करण्याचे आदेश दिले
तेव्हा गेलेले पथकाने हिंजवडी परिसरात सापळा लावुन आरोपी नामे बुद्धदेव विष्णु विश्वास, वय-२४ वर्षे, रा. पुणे फिरस्ता मुळ राहणार गाव- वर्धमान, थाना-कोकोबेन, जिला-दुर्गापुर, राज्य-पश्चिम बंगाल व मिंटु मिहिर विश्वास, वय-२६ वर्षे, राधा रा व्दारका हॉटेल, बालाजी मंदिरा जवळ, आळंदी रोड, भोसरी, पुणे, मुळ राहणार- गाव- वर्धमान, थाना-कोकोवेन, जिला-दुर्गापुर, राज्य-पश्चिम बंगाल यांना शिताफीने ताब्यात घेवुन त्यांचे कडे कसोशिने तपास केला असता त्या दोघांनी वर नमुद गुन्हा केल्याचे व त्यांनी खालील प्रमाणे ०७ गुन्हे केल्याचे निष्पन्न झाले. तसेच सदर आरोपींना गुन्हयाचे पुढील तपासकामी हिंजवडी पोलीस ठाणे याचे ताब्यात दिले आहे.
आरोपीवर हिंजवडी पोलीस ठाणे,शिरगाव पोलिस ठाणे,तळेगाव दाभाडे पोलिस ठाणे,देहूरोड पोलिस ठाणे, सांगवी पोलिस ठाणे येथून भा.दं.वि. कलम ३९४,३९२.३४ ,३९२,३७९ अंतर्गत गुन्हा नोंदवण्यात आला आहे.
सदरची कारवाई पिंपरी चिंचवडचे पोलीस आयुक्त मा. श्री. विनयकुमार चौबे सो सह पोलीस आयुक्त मा. श्री. डॉ. संजय शिंदे, अपर पोलीस आयुक्त मा. श्री. वसंत परदेशी सी, पोलीस उप-आयुक्त, मुख्यालय / गुन्हे स्वप्ना गोरे मॅडम, सहा. पोलीस आयुक्त, गुन्हे मा. श्री. सतिष माने तो यांचे मार्गदर्शनाखालील गुन्हे शाखा युनिट-४, वरिष्ठ पोलीस निरीक्षक शंकर आवताडे, सहायक पोलीस निरीक्षक सिद्धनाथ बाबर, पोलीस उपनिरीक्षक गणेश रायकर, सहा.पो.उप.नि. दादा पवार, नारायण जाधव, संजय गवारे, अदिनाथ मिसाळ, पोहवा / प्रविण दळे, रोहिदास आहे, तुषार शेटे, मोहम्मद गौस रफिक नदाफ पोना / वासुदेव मुंडे, सुनिल गुट्टे, सुरेश जायभाये, पोशि/ प्रशांत सद धनाजी शिंदे, गोविंद चव्हाण, सुखदेव गावंडे तसेच तांत्रिक विश्लेषण विभाग गुन्हे शाखा के वरिष्ठ पोलीस निरीक्षक संजय तुंगार, स.पो.नि. सागर पानमंद, पोहवा / नागेश माळी, पोशि/ पोपट हुलगे यांनी केली आहे.
){kind=link}